1.Strophe
Die Künnijin em Märchenwald, die wor nit jod drop. Fröch et Spieglein an d’r Wand: „Wä hät dä schönste Kopp?“ Et Spieglein säht: „Frau Künnijin ühr Dochter es ene Schuss, doch bei aller Schönheit zällt dat eine nur am Schluss:“
Refrain
Mer kacken all mem Föttche, mer bütze met d’r Schnüss, lure met de Äujelcher un singe met de ”Fööss”. Mer bießen op de Zäng, speuen kräftich en de Häng un kummen en d’r Himmel janz jewess. Mer kacken all mem Föttche, …
2.Strophe
„Jede Jeck es anders“ weed su off jesaht, Schwatze, Wieße, Ärme, Riche, all en Eijenaat Doch janz ejal, woher do küss, wä un wat do bes jeder mäht am Engk doch bloß nur dä selven Driss:
Refrain
Mer kacken all mem Föttche, mer bütze met d’r Schnüss, lure met de Äujelcher un singe met de ”Fööss”. Mer bießen op de Zäng, speuen kräftich en de Häng un kummen en d’r Himmel janz jewess. Mer kacken all mem Föttche, …
3.Strophe
Do es nur eine Ungerschied, dat weiß ich janz jenau, dat es en winzich Kleinichkeit bei Mann un Frau, et deit kein Minsch he levve, wann d’r Ungerschied nit wör doch söns do simmer all he jlich, do jeiht et dir jenau wie mir:
Refrain
Mer kacken all mem Föttche, Mer kacken all mem Föttche, Mer kacken all mem Föttche, Un kummen en d’r Himmel janz jewess. Jo mer kummen en d’r Himmel janz jewess.