Jlöck mem Wedder

Mir sechs, mir wollte wandere, dä Rucksack woodt jepack E Röggelche un Räucherwoosch kom flöck en unsre Sack En aller Herrjoddsfröh do troke mir dann loss met Schwung Un bei der eetste Steigung brannte uns dann ald de Lung Op eimol kome Wolke op un och ene fiese Wind Do rannte mir jeschwind en et nöchste Weedshuus erin, Koot dodrop, do fing et dann och ald ze rähne aan Do freute mir uns dat mer widder Jlöck mem Wedder han!

Wann et kei Kölsch rähne deit, nit wie us Pittermänncher schödd Dann bedde mer dä Herrjodd, dat et besser Wedder jitt! Wann et kei Kölsch rähne deit, nit wie us Pittermänncher schödd Dann bedde mer dä Herrjodd, dat et besser Wedder jitt! Doch wann et Kölsch rääne deit, un wie us Pittermänncher trief … (2x)

Mir sechs, mir wollte Fossball spille, ich packte ming Täsch Und et Poldi-Trikot kom och jrad fresch uss d`r Wäsch Ich han jespillt wie Overath, doch noh e Veedelstund Do wor uns schrecklich drüch em Hals un uns jing ald de Pump Op eimol kome Wolke op un och ene fiese Wind Do rannte mir jeschwind en et Vereinsheim eren, Koot dodrop, do fing et dann och ald ze rääne aan Do freute mir uns dat mer widder Jlöck mem Wedder han!

Mir sechs, mir wollte Picknick maache, schön em jröne Flur Un jeder braht janz herrlisch Saache met en de Natur Doch et Sönnche brannte un et wood entsetzlich heiß Dat einzije wat flüssig leef wor literweise Schweiß Et kome keine Wolke op un keine köhle Wind Un e Weedschaff wor och leider nirjendswo zo sinn Et fing och nit zo rähne aan, nä wat e Trauerspill! Dat Wedder hüggzedags, dat mäht och einfach wat et will!