1.Strophe
Wann et em Sommer Printe jitt,
do freut mer sich wie doll.
Dat bahl der "Elfte Elfte" kütt,
en Neppes, Düx un Poll.
Dann jeit et opp der Aldermaat
em Lappe-Clown-Kostüm.
Et Dreijesteen weed vörjestallt,
met echte Kölsche Tön!
Denn dat ess Tradition:
"Alaaf!" Opp die Session!
Refrain
Metallemann - do weed der Marsch jeblose!
Kölle Alaaf! Mer stelle alles opp der Kopp.
Metallemann - do trick mer durch de Stroße
un et weed öntlich opp de Decke Trumm jeklopp.
2.Strophe
Un ess et Chressfess dann vörbei
jröß uns et neue Johr.
Opp jeder Sitzung met dobei,
met Freud' un vill Humor.
Jeit et opp Rusemondach ahn,
jitt et kei Halde mieh!
denn Jeder Kölsche ess dann jeck –
bess en der decke Zieh!
Un kütt der Zoch eran,
dann halde meer uns dran!
Bridge
Un hammer dann et Äschekrütz
dann dort et nit mieh lang:
dann jeit dat Spillche widder loss
un dat met alle Mann!
Coda:
Drei Mol Alaaf, mer stelle alles op der Kopp
Unbekannt
Metallemann - do weed der Marsch jeblose!
Kölle Alaaf! Mer stelle alles opp der Kopp.
Metallemann - do trick mer durch de Stroße
un et weed öntlich opp de Decke Trumm jeklopp.