1.Strophe
Dat Martina und ä Freddy
wullten jään jet Kleines han,
su en richtije Famillich,
ei Kind met Papp un Mamm.
Ehr wood et murjens schlääch,
nix wie zum Doktor hin
Dä saat: ich jratuliere –
do sen Drillinge dren
Refrain
Alles weed jot – alles weed jot.
Och wenn du denks, et jeiht nit mih –
alles weed jot
Alles weed jot – alles weed jot.
Och wenn du denks, et jeiht nit mih –
alles weed jot
2.Strophe
Et Tante Jabi us dr Südstadt
kunnt et fasse kaum vür Glöck
Se kräät ne Ahnrof vun dr Lotterie
un sprung fas ahn de Deck
Wat? Sechs Millione?
Dat es ävver vell!
Ne Bleck en dr Kalender –
et wor dr eetste April
3.Strophe
Et Julche wor verlieb,
su richtich vun de Söck
Se trofe sich beim Pitter
janz henge ahn dr Thek
Se däht sich richtich freue –
wie schön ne Kähl sin kann
Doch koot dodrop saat hä:
Ich muss heim bei minge Mann