1.Strophe
De Hervssonn schingk en et Zemmer,
un do wees nevven mir wach.
Ich weiß nit, wo mir der Kopp steiht,
wat wor dat widder en Naach.
Nä, ich bruch kein Palme, kei Meer,
wann ich bei dir ben, ben ich em Paradies,
un sin et och nor e paar Stund,
do weiß jar nit, wat do mir domet jiss…
Refrain
Su wie du mir der Odem raubs,
su wie du ming Siel durchschaus,
dat es ir'ntwie Magie,
die ich deef en mir spür,
wann ich mich en dir verlier.
2.Strophe
Mer drinke Wing, hüre Leeder,
die mer als Pänz schon jehoot,
sinn Momente, sinn Belder,
der Herrjodd meint et wohl jod.
Un do der Zeijer der Uhr,
verjiss för uns zwei de Zigg,
fess umschlunge; wat häld uns zoröck?
Kumm – mer sterve em Jlöck!