Muss et denn immer so laut sein ?!

Neulich han ich mir en Sitzung beluhrt nä wat wor dat ne Buhei Övver Desch övver Stöhl, et hätt nit lang jeduhrt da wor en dem Saal Roserei Denn et kohm en Kapell, doch die kunnt mer nit sinn denn överall stellten se Lautsprecher hin Un dann hann se jespillt – nit schön, ävver laut mie Hätz hät jeblood un ming Naach wor versaut… Denn ich frogen üch…

Muss et denn immer so LAUT sein ...

Ich soß an der Thek un sang dieses Leed dat hät hinger mir einer jehührt Hä daachte sich Hey! Dat weed ene Hit hä hätt sich an janix jestürt Nohm en elektrisch Jittar – dat is en Flitsch unger Strom un e paar Trumme dobei Hätt et usprobiert et hät funktioneet un in dem Saal Roserei … Denn hä hätt jebrüllt …