Rhingsche Soorbrode für 4 Personen
Author:Ilse Prass
Zutaten:
2 Pund Ooßefleisch, 2 Lorbeerblädder
3-4 Näjelche, 2-3 Pefferköner
2 Wacheleköner, 2 Öllich
1 Tass Wingessich
4 Tasse Wasser, Salz un Peffer
3 Eßlöffel Schmalz, 125 g Rusinge
1 Schiev Schwatzbrut of 1 Schiev Hunnichkoche
Zubereitung
Essich, Wasser, Öllichring un Gewöz opkoche. Dat Ooßefleisch en en Kump jevve un dä kahle Sud drüvver jeeße. Deckel drop un drei Dach köhl ston loße. Dat Fleisch af un an driehe. Noh dä drei Dach dat Fleisch erus nemme, afdrüjje, met Salz un Peffer wöze un en däm heiße Schmalz anbrode. Dä Sud durch en Seih laufe loß un 1/8 Liter vun dä Bröh zo däm Brode jevve. Met Wasser opfölle un dat Schwatzbrut of dä Hunnichkocke klein bröckele, en die Zaus jevve un 2 Stund schmore loße.
Donoh dä Soorbrode us dä Zaus nemme, Die Zaus met dä Rusinge opkoche un wann nüdich met Mondamin binge.