Ähzezupp für 4 Personen
Author:Ilse Prass
Zutaten:
½ Pund Ähze (Schutefroch)
½ Pund Firkesbuch
1 ½ Liter Wasser ov Bröh
en Speckschwad un 2 Fleischknoche
1 Pund Ädäppel
1 Bund Zuppejröns
Salz, Meierönche, jet Zuppewöz
Peterzillje
Zubereitung
Die Ahze wäsche un en 1 Liter Wasser 12-24 Stund enweiche. Dachsdrop die Ähze met däm Enweichwasser opsetze, die Speckschwad un die Knoche dozo jevve un leis koche loße. Noh einer Stund dä Firkesbuch dozo jevve. En halve Stund drop die klein jeschneddene Ädäppel un dat klein jeschneddene Zuppejröns in dä Pott dun. Wann dä Firkesbuch jar es, dä op Würfele schnigge un widder en die Zupp dun. Die Speckschwad un die Knoche erus holle. Die Zupp met Salz, Meierönche, Zuppewöz un Peterzillje afschmecke.
Kochzeit 2 Stunde