Ädäppelszupp für 4 Personen
Author:Ilse Prass
Zutaten:
1 Pund Ädäppel
1 Bund Zuppejröns
1 ½ Liter Wasser ov Bröh
60 g fette Speck
1 klein Öllich
1 Eßl. Mähl
Peterzillje
Piefelauch
Zubereitung
Die Ädäppel schelle, klein schnigge un met däm jewäschene un klein geschneddene Zuppejröns en die koche Bröh jevve. Alles en jode halve Stund koche loße un dann durch en Seih paasche. Dä Speck un dä Öllich klein schnigge. Dä Speck usloße un dä Öllich dodren joldjäl anbrode. Dat Mähl eren röhre. Dann unger röhre die jepaaschte Ädäppelsbröh dozo jevven un noch en paar MInutte leis koche loße. Die Zupp met Salz afschmecke un met däm Kruck anrechte. Dozo jitt et Bröhwoosch.